Bağdad ayın sonuna qədər Türkiyəyə gündə 350 min barel neft göndərməyə imkan verə biləcək neft kəmərinin təmiri üzərində işləyir. 

Valyuta.az xəbər verir ki, "Reuters" bu barədə İraqın neft hasilatı və kəşfiyyatı nazirinin müavini Bəsim Məhəmmədin bəyanatına istinadən yazır.

Agentlik qeyd edir ki, bu addım çox güman xarici neft şirkətlərini və Kürdüstan Regional Hökumətini qəzəbləndirəcək.

Bağdad kürdlərlə kürd boru kəmərindən istifadə edən xarici şirkətlər arasında hasilatın pay bölgüsü sazişlərini qanunsuz hesab edir. Bağdaddakı federal hökumət neft şirkətlərindən ixracını yenidən canlandırılan boru kəməri vasitəsilə Türkiyəyə satmaq üçün onunla danışıqlar aparmağı tələb edəcək ki, bu da demək olar tamamilə neft gəlirlərinə güvənən kürdləri qəzəbləndirə bilər.

"Təmir işləri davam edir və əsas nasos stansiyasının tikintisi başa çatdırılıb. Çox güman ki, boru kəməri işə düşəcək və bu ayın sonuna qədər tədarükləri bərpa etməyə hazır olacaq", deyə "Bəsim" agentliyi qeyd edib.

Məlumata görə, İraq daxilində zədələnmiş hissələrin bərpası və kritik nasos stansiyasının təmiri boru kəmərinin tam gücünə qaytarılması üçün əməliyyatların birinci mərhələsi olacaq.

Kürd boru kəməri 2023-cü il martın 25-də arbitraj məhkəməsinin Bağdadın razılığı olmadan Kürd muxtar bölgəsindən neft ixracını asanlaşdırmaqla 1973-cü il müqaviləsinin müddəalarını pozduğuna dair qərar çıxardıqdan sonra dayandırılıb.

Paşa Məmmədli