"Boeing" şirkəti Alyaska Hava Yollarına 160 milyon dollar cərimə ödəyib.

Valyuta.az xəbər verir ki,  buna səbəb yanvar ayında uçuş zamanı havada olarkən təyyarənin qapısının partlaması olub. Şirkət yaranan itkiləri kompensasiya etmək üçün cəimə ödəməyə razı olub.  Sözügedən cərimənin ilin birinci rübündə itirilmiş mənfəəti əhatə etdiyi və gələcəkdə digər ödənişlərin də həyata keçirilməsi nəzərdə tutulduğu bildirilib. 

Alyaska Hava Yollarına məxsus təyyarə yavarda ABŞ-ın Oreqon ştatının Portlend şəhərindən havaya qalxdıqdan qısa müddət sonra, qapı və ya gövdə tıxacı kimi tanınan panelin yıxılması nəticəsində yan tərəfdə böyük bir boşluq yaranıb. Nəqliyyat vasitəsi nəticədə təcili eniş etməli olub. Hadisədən sonra tənzimləyici orqanlar təxminən 200 "Boeing 737 Max 9" təyyarəsinin uçuş icazələrini müvəqqəti olaraq dayandırıb. Bu, minlərlə reysin təxirə salınmasına səbəb olub. 

Keçən həftə "Boeing"in 24 milyon dollarlıq təzminat paketi də ödəyəcəyi bildirilib.  Şirkətin baş direktoru Dave Kalhunun təyyarələrlə bağlı böyük təhlükəsizlik narahatlıqlarını doğuran bir sıra insidentlərdən sonra ilin sonunda CEO vəzifəsini tərk edəcəyini açıqlanıb. O, sonuncu dəfə qapı ilə bağlı yaranan problemi "Boeing" üçün "dönüş nöqtəsi" adlandırıb. Təhlükəsizlik pozuntusu nəticəsində ABŞ Federal Aviasiya Administrasiyası, Ədliyyə Departamenti və Milli Nəqliyyat Təhlükəsizliyi Şurası araşdırmalara başlayıb. Yanvar ayında "Alaska Airlines"in sərnişinləri panel partlayışına görə "Boeing"ə qarşı məhkəmə iddiası qaldırmışdılar. 

Elmir