Rusiyanın mayeləşdirilmiş təbii qazının (LNG) ixracı 2024-cü ilin birinci rübündə bir qədər artıb, lakin Asiya ölkələrinə tədarük azalıb. 

Valyuta.az xəbər verir ki, bu barədə “Kommersant” “Kpler” analitik şirkətinin məlumatlarına istinadən yazır.

Statistikaya görə, 2024-cü ilin yanvar-mart aylarında Rusiya 8,7 milyon ton LNG ixrac edib ki, bu da 2023-cü ilin eyni dövrü ilə müqayisədə 4,3% çoxdur. Bununla belə, mart ayında tədarük həcmi illik müqayisədə 1% azalaraq 2,86 milyon tona düşüb.

Birinci rübdə Rusiya LNG-nin ümumi həcminin 3,16 milyon tonu Asiya ölkələrinə göndərilib ki, bu da bir il əvvəlkindən 7% azdır. Eyni zamanda, Avropa İttifaqına tədarük 4% artaraq 4,99 milyon tona çatıb.

Kpler qeyd edir: "Mart ayında Asiyaya göndərilən LNG daşımalarının sayı ilkin olaraq 30% azalaraq 0,86 milyon tona düşə bilər".

Yanvar-mart aylarında Rusiya LNG-nin əsas alıcıları Fransa (1,6 milyon ton), İspaniya (1 milyon ton), Belçika (1,6 milyon ton), Yaponiya (1,67 milyon ton) və Çin (0,78 milyon ton) olaraq qalıb.

Novatek-in Yamal LNG layihəsindən birinci rübdə tədarüklər illik müqayisədə 6,6% artaraq 5,4 milyon tona çatıb. Yanvar-mart aylarında "Qazprom"un Saxalin-2 sahəsindən 2,63 milyon ton LNG ixrac edilib ki, bu da ötən ilin göstəricilərinə uyğundur.

Mütəxəssislər qeyd edirlər ki, Rusiya tədarükçüləri mart ayında Asiyada LNG idxalının artımından istifadə edə bilməyiblər ki, bu da Bloomberg-ə görə, 12% təşkil edib. Səbəblərdən biri spot göndərişlərin məhdud olmasıdır.

Eyni zamanda, Kpler analitiki Viktor Katona görə, Avstraliya mart ayında spot bazarda daha çox təchizat çevikliyinə sahib olaraq Asiyaya LNG ixracatında rekord səviyyəyə çatıb. Bu bölgəyə Nigeriyadan da təchizat gəlib.

Nicat