Dünya birjalarında satılan səhmlərin həcmi son 25 ilin ən sürətli templə azalır.

Valyuta.az xəbər verir ki, bu barədə "Financial Times" "JPMorgan"ın məlumatlarına istinadən yazır.

İqtisadi və geosiyasi qeyri-müəyyənlik yeni qiymətli kağızların təkliflərinin sayına mənfi təsir göstərir. "Eyni zamanda, şirkətlər bazarda öz səhmlərinin böyük həcmlərini geri almağa davam edirlər", deyə analitiklər qeyd edirlər.

Yanvar ayından indiyədək dünyada səhmlərin həcmi artıq 120 milyard dollar azalıb ki, bu da bütün ötən ilin göstəricisindən (40 milyard dollar) üç dəfə çoxdur. İlkin kütləvi təkliflərin (İPO) və qiymətli kağızların satışının digər variantlarının həcmi də proqnozları doğrultmur.

Bundan əvvəl "JPMorgan" ABŞ fond bazarının qəfil çökməsi təhlükəsi barədə xəbərdarlıq etmişdi. Bankın baş strateqi Dubravko Lakos-Bujas qeyd edib ki, investorların ən yaxşı nəticə göstərən səhmlərdə həddindən artıq konsentrasiyası fond bazarında qəfil korreksiya riskini artırır.

Paşa Məmmədli