Aktivlərin Axtarış və İdarəetmə Agentliyi (ARMA) qadağan edilmiş “Müxalifət platforması – Ömürlük”dən keçmiş xalq deputatı və Putinin adamı Viktor Medvedçukun həbs edilmiş əmlakını – “Maybach” avtomobilini və 20 kolleksiya qol saatını satışa çıxaracaq.

Valyuta.az xəbər verir ki, ARMA bu barədə cümə günü, aprelin 5-də məlumat yayıb.

Agentlik Medvedçukun ələ keçirilən əmlakının satışı üçün müsabiqə elan edəcək. İştirak üçün sənədlər aprelin 19-dək qəbul olunacaq. Aprelin 25-də seçim komissiyası avtomobili və saatları alacaq qalibi elan edəcək.
Medvedçukun 2019-cu il bəyannaməsində bildirildiyi kimi, o, 2019-cu il istehsalı olan Mercedes-Benz Maybach S650-yə sahib olub. Keçmiş millət vəkilinin 23 bahalı saatı da olub: altı Rolex, dörd Breguet, iki Vacheron Constantin, bir Parmigiani, iki Dolce və Gabbana, iki Patek Philippe, Franck Muller, Hublot, Cartier saat, bir Bovet saatı və istehsalçısı göstərilməyən daha iki qızıl saat.

2022-ci il aprelin 14-də Lvov məhkəməsi keçmiş xalq deputatının 154 daşınar və daşınmaz əmlakına həbs qoyub. İyunun 17-də məhkəmə Medvedçukun əmlakının daha bir hissəsinə həbs qoyub.

Nicat