Rusiya banklarının xaricdəki müxbir hesablarını izləməyə və xarici kredit təşkilatlarının top-menecerlərinə Rusiya ilə əməkdaşlığın mənfi nəticələri barədə xüsusi xəbərdarlıq etməyə başlayıb.

Valyuta.az bu barədə "Vedomosti" qəzetinə istinadən xəbər verir.

Nəşrin mənbələrinin məlumatına görə, oxşar təhdidlər Türkiyə, Çin, BƏƏ, Qətər və MDB ölkələrinin bankları tərəfindən də alınıb. Amerikalıların hərəkətləri uğurlu olub - nəticədə xaricdə Rusiya banklarında yeni müxbir hesabların ömrü orta hesabla altı aya qədər azalıb.

ABŞ-ın bu cür hərəkətləri ABŞ Maliyyə Nazirliyi keçən ilin sonunda Rusiyaya məhdudiyyətlərdən yayınmağa kömək etdiyinə görə üçüncü ölkələrin banklarına qarşı sanksiyalar tətbiq etmək hüququ aldıqdan sonra mümkün olub. Qanunu pozanlar Amerika banklarındakı müxbir hesablarının bağlanması və onlarda olan aktivlərin dondurulması ilə üzləşirlər.

Ötən həftə Rusiyanın malların ödənişi ilə bağlı problemlərlə üzləşdiyi bildirilirdi. Çin, BƏƏ və Türkiyədəki banklar neftə görə ödənişləri gecikdirməyə başlayıb.

Paşa Məmmədli