Yaponiya hakimiyyəti Rusiyadan ölçüsü 1 karatdan çox olan kobud almazların idxalını qadağan edir. 

Valyuta.az xəbər verir ki, bu barədə Yaponiyanın İqtisadiyyat, Ticarət və Sənaye Nazirliyi məlumat yayıb.

Əgər idxal edilən daşlar bir karatdan çox deyilsə, bu almazları Yaponiyaya gətirmək üçün nazirdən müvafiq icazə almaq lazımdır.

Rusiya dünyanın ən böyük kobud almaz istehsalçısıdır. 2022-ci ildə bu məhsulun ixrac həcmi 4,7 milyard dollar həcmində qiymətləndirilir.

Bundan əvvəl Hindistanın xarici işlər naziri Subrahmanyam Caishankar bildirmişdi ki, Avropa İttifaqı və G7-nin Rusiya almazlarının idxalına dair mart ayından qüvvəyə minən sanksiyaları Hindistanın almaz sənayesinə zərbə vurub. Caishankar qeyd edib ki, Yeni Dehli üçün vəziyyəti mümkün qədər tez həll etmək vacibdir.

Paşa Məmmədli