Aİ ölkələrinin idxalında Rusiya qazının payı yenidən artaraq təxminən 15%-ə çatıb.

Valyuta.az xəbər verir ki, bu barədə Reuters Aİ statistikasına, öz hesablamalarına və Kpler məlumatlarına istinadən yazır.

Agentlik yazır ki, Avropa sadəcə olaraq Rusiya boru kəməri qazını Rusiyanın mayeləşdirilmiş təbii qazı (LNG) ilə əvəz edib. Analitiklər xatırladır ki, sonuncu heç vaxt sanksiyaya məruz qalmayıb.

Ötən il Rusiya Avropa limanlarına 15,6 milyon tondan çox LNG göndərib. Bu, 2022-ci illə müqayisədə bir qədər, 2021-ci illə müqayisədə isə 37,7% çoxdur. Reuters mənbələri hesab edir ki, tədarükün artması qismən Rusiya yanacağına endirimlərlə bağlıdır.

Bundan bir gün əvvəl Avropa İttifaqı və Moldovanın mart ayında Rusiyadan 2,74 milyard kubmetr qaz aldığı xəbəri yayılmışdı. Bu, tədarükün 2,84 milyard kubmetr təşkil etdiyi ötən ilin avqustundan bəri tədarükün maksimal həcmidir.

Nicat