İsrailin hava hücumunda yeddi yardım işçisinin öldürülməsindən sonra Qəzzaya çatdırılmalı olan ərzaqdan ibarət dəniz karvanı Kiprə qaytarılıb.

Valyuta.az TurkicWorld-ə istinadən xəbər verir ki, 240 ton ərzaq daşıyan yük gəmisi ölümcül hücumdan sonra limanın yaxınlığında lövbər salaraq Kiprin Larnaka limanına qayıdıb.

Qeyd edək ki, humanitar yardım martın 30-da Kiprdən Qəzzaya göndərilən 340 tonluq yükün bir hissəsi idi.

Xatırladaq ki, aprelin 1-də İsrail ordusu Qəzza zolağında fəaliyyət göstərən World Kitchen Center-in (WCK) humanitar yardım işçilərinə hücum edib. Hücum zamanı yeddi yardım işçisi həlak olub.