Avropa İttifaqı və Moldova martda Rusiyadan 2,74 milyard kubmetr qaz alıb. 

Valyuta.az xəbər verir ki, bu barədə "Vedomosti" "Qazprom"un və ENTSOG qaz ötürücü sistem operatorlarının Avropa şəbəkəsinin məlumatlarına istinadən yazıb.

Bu, ötən ilin avqustundan bəri tədarükün maksimal həcmidir (2,84 milyard).

İllik ifadədə Rusiya qazının Avropa ölkələrinə boru kəməri ixracının həcmi 26% artıb. Bu istiqamətdə tranzitin gündəlik həcmi dekabrda 84,8 milyon kubmetr (+4%), yanvarda 81,3 milyon kubmetr (+9%) və fevralda 84,5 milyon kubmetr (+5%) ilə müqayisədə martda orta hesabla 88,4 milyon kubmetr təşkil edib. 

Paşa Məmmədli