Tayvanın ən böyük yarımkeçirici istehsalçısı sayılan TSMC-nin rəhbərliyi güclü zəlzələ səbəbindən zavodlarının işçilərini təxliyə etməyə başlayıb. 

Valyuta.az xəbər verir ki, bu barədə Bloomberg məlumat yayıb.

Jurnalistlər bildiriblər ki, hazırda şirkət zavodun ərazisinə dəymiş ziyanı qiymətləndirir. Yarımkeçiricilərin yaradılması yüksək dəqiqlik tələb edir, belə ki, hətta ən kiçik dalğalanmalar və vibrasiyalar bütün mal partiyalarını məhv edə bilər.

Eyni zamanda, agentliyin məlumatına görə, Tayvan istehsalçısı bir çox xarici korporasiyalarla əməkdaşlıq edir. Bu, Amerikanın Apple və Nvidia şirkətlərinə də aiddir.

Xatırladaq ki, aprelin 3-də səhər Tayvanın şərq sahillərində 7,5 bal gücündə zəlzələ baş verib. Daha sonra Yaponiya Milli Meteorologiya İdarəsi bildirib ki, yeraltı təkanların maqnitudasının 7,7 bal gücündə qiymətləndirilməsi dəyişdirilib.

TVBS telekanalının verdiyi məlumata görə, Tayvanın şəhərlərindən birində təbii fəlakət nəticəsində bir neçə bina dağılıb. Söhbət zəlzələnin ilk anlarında bütöv bir binanın dağıldığı Hualien şəhərindən gedir.

Nicat