Polşanın 2023-cü ildə dövlət büdcəsinin kəsiri Avropa İttifaqının müəyyən etdiyi ÜDM-in 3%-i həddini keçib.

Valyuta.az xəbər verir ki, bu barədə Interia.pl saytı yazıb.

İlkin məlumatlara görə, ötən ilin göstəricisi 5,1% olub. İndi Varşavadan xərcləri tənzimləmək tələb oluna bilər. Əks halda Polşanı cərimələr gözləyir.

Bununla belə, ola bilsin ki, ölkəyə qarşı heç bir tədbir görülməsin. Fakt budur ki, Polşanın dövlət büdcəsi kəsirinin əhəmiyyətli hissəsi müdafiə xərclərinin artması ilə bağlıdır. 2023-cü ilin payızında Aİ ölkələri müdafiə xərcləri yüksək olan üzv dövlətlərlə bağlı həddindən artıq büdcə kəsirləri üçün prosedura başlamaq barədə razılığa gəliblər.

Paşa Məmmədli