Hindistanın PS Biotech Private Limited şirkəti və Saxalin vilayətinin rəhbəri Valeri Limarenko arasında 2024-cü ildə Yujno-Saxalinskdə uşaq bezləri və tibbi tələbat materiallarının istehsalına başlamaqla bağlı müqavilə imzalanıb. 

Valyuta.az xəbər verir ki, bu barədə TASS məlumat yayıb.

“Yujno-Saxalinskdə ilk istehsalın 2024-cü ilin noyabrında başlaması planlaşdırılır. Burada uşaq bezləri, şəxsi gigiyena vasitələri və digər tibbi istehlak materialları istehsal olunacaq”, - deyə regional hökumət qeyd edib. Əlavə edilib ki, istehsalın işə salınması regionun reabilitasiya məhsullarının idxalından asılılığını azaldacaq və onların ehtiyacı olanlara çatdırılması üçün lazım olan vaxtı qısaldacaq.

Saxalin hakimiyyətinin məlumatına görə, sazişin imzalanması region rəhbərinin və Saxalin nümayəndə heyətinin 2023-cü ildə Nyu-Dehliyə işgüzar səfəri zamanı başlayan əməkdaşlığın davamı olub.

Bildirilir ki, tərəflər Hindistan və Saxalin əczaçılıq şirkətləri arasında dialoq qurmaq barədə razılığa gəliblər.

Bundan əvvəl Avropanın əczaçılıq şirkətlərinin Rusiyada istehsal etdiyi dərmanların  Hindistandan olan analoqlarla əvəz olunduğu bildirilirdi.

Nicat