Yaponiya hökuməti iqtisadiyyatın daha dörd sahəsində başqa ölkələrin mütəxəssislərinin istifadəsinə icazə verib. İndi əcnəbilər 12 sənaye sahəsində işləyə bilərlər. 

Valyuta.az xəbər verir ki, bu barədə TASS Yaponiya Nazirlər Kabinetinə istinadən yazır.

Sərnişin və yük avtomobil nəqliyyatında, dəmir yolunda, meşə təsərrüfatında və ağac emalında xarici işçilərin əməyindən istifadə etməyə icazə verilib. Bunun üçün ziyarətçilər müvafiq bilik və bacarıqlara malik olmalıdırlar. Taksi və avtobus sürücüsü vəzifələrinə namizədlərdən həmçinin yapon dilini mükəmməl səviyyədə bilmələri tələb olunacaq.

Tədbir Yaponiyada kəskin kadr çatışmazlığını aradan qaldırmaq üçün nəzərdə tutulub. 2030-cu ilə qədər ölkəyə təxminən 820 min əcnəbi işçinin gətirilməsi planlaşdırılır.

Nicat