Rusiya Bankı üçün martın 22-də Crocus City Hall-da baş vermiş terror aktı nəticəsində zərər çəkmiş vətəndaşlara və həlak olanların ailələrinə dəstək verilməsi vacibdir. Bank və ya mikromaliyyə təşkilatı ilə qarşılıqlı əlaqədə çətinliklər yaranarsa, borcalanlar Mərkəzi Banka müraciət etməlidirlər. 

Valyuta.az xəbər verir ki, bu barədə Qazeta.ru-ya  Rusiya Federasiyası Mərkəzi Bankının mətbuat xidmətindən məlumat verilib.

“Biz görürük ki, bir çox kreditorlar bizim də tövsiyələri nəzərə alaraq artıq dəstək proqramlarını həyata keçirib. Hər bir hal üçün kreditorlar fərdi qaydada qərar qəbul edirlər”, - deyə tənzimləyicinin mətbuat xidmətindən bildiriblər.

Martın 23-də “Sberbank”, VTB, “Alfa Bank”, “Sovcombank”, “Home Bank”, “ Qazprombank”, “Tinkoff Bank”, “Uralsib”, “Zenit”, “Sovcombank”, “Post Bank” və “DOM.RF Bank” terror aktı nəticəsində yaralananların və həlak olanların borclarını silməyə söz veriblər. Həmin gün Peşəkar Kollektor Agentliklərinin Milli Assosiasiyası terror aktının bütün qurbanlarının borclarının bağışlanmasına çağırıb.

Martın 25-də Mərkəzi Bank banklara, mikromaliyyə təşkilatlarına, kredit kooperativlərinə və lombardlara “Krokus Siti Holl”da terror aktı nəticəsində zərər çəkmişlərin borclarının silinməsini tövsiyə edib.

Nicat