Beynəlxalq maliyyə mesajlaşma sistemi SWIFT yaxın illər ərzində yeni rəqəmsal valyuta platforması hazırlamağı və işə salmağı planlaşdırır. 

Valyuta.az xəbər verir ki, bu barədə "Reuters" məlumat yayıb.

"Biz növbəti 12-24 ay ərzində platformanı işə salmaq üçün yol xəritəsini nəzərdən keçiririk. Məhsul eksperimental mərhələdən reallığa çevrilən bir şeyə keçir", deyə SWIFT-in innovasiyalar üzrə rəhbəri Nik Keriqan nəşrə müsahibəsində bildirib.

Yeni platformanın məqsədi mərkəzi bankın rəqəmsal valyutalarını mövcud maliyyə sisteminə inteqrasiya etməkdir. Agentlik qeyd edir ki, hazırda dünya mərkəzi banklarının təxminən 90%-i milli virtual valyutaların yaradılması imkanlarını öyrənir.

Beləliklə, CBDC-lər artıq Baham adaları, Nigeriya və Yamaykada fəaliyyət göstərir. Çin elektron yuanın real dünyada sınaqdan keçirilməsi ilə irəliləyib. Avropa Bankı (ECB_ həmçinin rəqəmsal avronu inkişaf etdirir və Beynəlxalq Hesablaşmalar Bankı (BIS) çoxsaylı transsərhəd sınaqlar keçirir.

SWIFT-in əsas üstünlüyü ondan ibarətdir ki, onun mövcud şəbəkəsi artıq 200-dən çox ölkədə mövcuddur və hər gün trilyonlarla dollar göndərmək üçün sistemdən istifadə edən 11 500-dən çox bank və fondu əhatə edir.

Paşa Məmmədli