2023-cü ildə bütün coğrafi ərazilərin ölkələri ilə mal və xidmətlərin ixracı üzrə ödənişlərdə rublun payı son beş ildə ən yüksək səviyyədə olub.

Valyuta.az xəbər verir ki, bu barədə Rusiya Mərkəzi Bankının məlumatlarına istinadən Rusiya mətbuatı xəbər yayıb.

Belə ki, ötən il Rusiyadan mal və xidmətlərin ixracı üçün ödənişlər üzrə rublun payı 39% təşkil edib. İl ərzində bu göstərici 11,2 faiz bəndi, beş il ərzində isə 24 faiz bəndi artıb. Rublun minimum payı 2021-ci ildə (14,3%) qeydə alınıb, bundan sonra 2022-ci ildə kəskin şəkildə 27,8%-ə yüksəlib.

İkinci yerdə dollar və avro (31,5%), üçüncü yerdə dost ölkələrin valyutaları (29,4%) gəlir.

Ötən il Asiya ölkələri ilə idxal üzrə hesablaşmalarda rubl 2019-cu ildəkindən daha az paya sahib olub, bu sahədə dost valyutalar lider olub. Asiyadan tədarük edilən mal və xidmətlərin 50%-dən bir qədər çoxu yuanla ödənilir.

©Marja