Avropa Komissiyası (AK) sursat istehsalı üçün Avropa müdafiə sənayesinə 500 milyon avro ayırıb. 

Valyuta.az xəbər verir ki, bu barədə AK mətbuat xidməti məlumat yayıb. 

Bəyanatda qeyd edilir ki, bu məbləğ Avropa müdafiə sənayesinə 2025-ci ilin sonuna qədər döyüş sursatı istehsal gücünü ildə iki milyon ədədə çatdırmağa imkan verəcək.

Martın 5-də "Reuters" xəbər verib ki, AK Ukraynada davam edən münaqişə fonunda siyasi qurumun müharibə iqtisadiyyatı rejiminə keçə bilməsi üçün Avropa İttifaqına hərbi sənayeni stimullaşdırmaq yollarını təklif edəcək.

Avropanın daxili bazar üzrə komissarı Tyerri Breton bildirib ki, Avropa ölkələri paradiqmanı dəyişməli və müharibə iqtisadiyyatına keçməlidir. Bu həm də o deməkdir ki, Aİ-nin müdafiə sənayesi AK-nin dəstəyi ilə daha çox risk almalıdır.

Paşa Məmmədli