Rusiya prezidenti Vladimir Putin RİA Novosti üçün Dmitri Kiselyova müsahibəsində bildirib ki, cəmiyyət Rusiya Federasiyasında “mütərəqqi vergitutma sistemi”nə keçidi tamamilə qəbul edəcək.

Valyuta.az xəbər verir ki, onun sözlərinə görə, hətta əvvəllər sabit verginin qızğın tərəfdarı olanlar indi bütövlükdə Rusiyanın selektiv vergitutma üçün yetişdiyinə inanırlar.

"Mənə elə gəlir ki, cəmiyyət bunu tamamilə normal qəbul edəcək", - Putin deyib.

Dövlət başçısı həmçinin əlavə edib ki, biznesdən ən vacib tələb vergi sisteminin sabit olmasıdır.

Putin qeyd edib ki, hökumət və Dövlət Dumasının deputatları bu məsələ ilə bağlı təkliflər verməli olacaqlar.

Martın 5-də Dövlət Dumasının deputatı, Büdcə və Vergi Komitəsinin üzvü Yevgeni Fedorov bildirib ki, Rusiyada vətəndaşlar üçün vergi sistemi dəyişə bilər - vergilər hesablanarkən təkcə gəlir deyil, ailə tərkibi də nəzərə alınacaq.

Həmin gün “Kommersant” qəzeti rusların əksəriyyətinin mütərəqqi vergi miqyasının “tərəfdarı olduğu” araşdırmanın nəticələrini dərc edib.

Rusiyada mütərəqqi vergi miqyasına keçid haqqında qanun layihəsi prezident Vladimir Putinin Federal Məclisə müraciətində verdiyi müvafiq sərəncamdan sonra fevralın sonunda hazırlanmağa başlanılıb.
Xatıladaq ki, beynəlxalq ekspertlər Kremlin seçkilər başa çatdıqdan dərhal sonra Ukraynaya qarşı müharibəni maliyyələşdirmək üçün vergiləri artırmağa hazırlaşdığını qeyd edib.

Nəşrin qeyd etdiyi kimi, vergi islahatlarına baxılması Dövlət Dumasının 2024-cü ildə keçiriləcək yaz sessiyasına yeni hökumətin təsdiq olunmasından sonra təyin oluna bilər. Gözlənilir ki, dəyişikliklər gələn ildən qüvvəyə minəcək. 

Nəşrin məlumatına görə, Rusiya hökuməti ildə 1 milyon rubldan çox qazananlar üçün fiziki şəxslərin gəlir vergisini 13%-dən 15%-ə, 5 milyon rubldan çox qazananlar üçün isə 15%-dən 20%-ə yüksəltməyi planlaşdırır. Mənfəət vergisinin 20%-dən 25%-ə qaldırılması da nəzərdən keçirilir.

Gözlənilir ki, fiziki şəxslərin gəlir vergisinin artırılması Rusiyanın büdcəsinə ildə təxminən 450 milyard rubl (təxminən 4,9 milyard dollar), mənfəət vergisi isə hər il təxminən 2 trilyon rubl (təxminən 22 milyard dollar) gəlir gətirəcək.

Nicat