Ukraynanın baş naziri Denis Şmıqal nazirliklərin nümayəndələrinin iştirakı ilə keçirilən görüşdə bildirib ki, Kiyevin dondurulmuş Rusiya aktivlərinə çıxış planı var. 

Valyuta.az xəbər verir ki, bu barədə "Biz Ukraynayıq" agentliyi məlumat yayıb.

Onun sözlərinə görə, Rusiyanın 300 milyard avroya yaxın aktivi tərəfdaş ölkələrdə dondurulub.

"Məqsədimiz və mövqeyimiz aydındır - bütün bu aktivlərə giriş", deyə Şmıqal bildirib.

O əlavə edib ki, Ukrayna bu aktivlərə həbs qoyulması üçün hüquqi mövqe və lazımi hüquqi mexanizmlər hazırlayır və ilk nəticələr artıq oradadır.

Baş nazir Xarici İşlər Nazirliyi, Ədliyyə Nazirliyi, Maliyyə Nazirliyi, İqtisadiyyat Nazirliyi və Ukrayna Milli Bankının nümayəndələrinin iştirakı ilə müşavirə keçirib.

Bundan əvvəl “Politico” qəzeti ABŞ və Avropa İttifaqının Rusiyanın dondurulmuş aktivlərinin Ukrayna üçün müsadirə edilməsi məsələsində razılığa gələ bilməyəcəyini yazıb. Böyük Britaniyanın xarici işlər naziri Devid Kemeron bəyan edib ki, London Rusiya Federasiyası Mərkəzi Bankının Böyük Britaniyadakı dondurulmuş bütün aktivlərini Ukraynaya verməyə hazırdır.

Paşa Məmmədli