Çində 2 minə yaxın şirkət pilotsuz uçuş aparatlarının (PUA) hazırlanması və istehsalı ilə məşğuldur. 

Valyuta.az xəbər verir ki, bu barədə Çin Xalq Respublikasının Mülki Aviasiya Administrasiyasının rəis müavini Han Jun bildirib.

O, mətbuat konfransında deyib: “2023-cü ilin sonuna olan məlumata görə, ölkəmizdə pilotsuz təyyarələrin hazırlanması və istehsalı ilə məşğul olan 2 minə yaxın təşkilat var. Bu, 2022-ci illə müqayisədə 32,2% çoxdur”.

Rəsmi aydınlaşdırıb ki, Çində öz fəaliyyətlərində dronlardan istifadə edən 20 minə yaxın şirkət var. Onun sözlərinə görə, 2023-cü ildə Çində məsafədən idarə olunan avtomobillər ümumilikdə 23,11 milyon saat yürüş həyata keçirib.

Han Jun qeyd edib ki, ölkədə dronlardan həm şəxsi məqsədlər üçün, həm də coğrafi xəritəçəkmə, kino və televiziya aerofotoqrafiyası, xilasetmə əməliyyatları zamanı, telekommunikasiya sektorunda və meteoroloji müşahidələr sahəsində istifadə olunur. O, həmçinin çatdırılma sektorunda PUA-ların geniş tətbiqinə diqqət çəkib.

“Bəzi tədqiqat mərkəzlərinin məlumatına görə, 2023-cü ildə Çində aşağı hündürlükdə uçuşlar ilə bağlı sektorlarda iqtisadi həcm 500 milyard yuanı (indiki məzənnə ilə 70 milyard dollardan çox) ötüb, 2030-cu ildə isə 2 trilyon yuana (281 milyard dollar) çatacağı gözlənilir”, - deyə rəsmi yekunlaşdırıb.

Nicat