Avropa İttifaqının kənd təsərrüfatı nazirləri fevralın 26-da Brüsseldə blokun kənd təsərrüfatı sektorundakı vəziyyəti və bir neçə həftədir ki, davam edən fermerlərin etirazlarını müzakirə etmək üçün iclas keçirəcəklər.

Valyuta.az xəbər verir ki, bu barədə DW yazır.

Qeyd olunur ki, Brüsseldə keçiriləcək görüşdə fermerlərin yükünün daha da yüngülləşdirilməsi və onların inzibati xərclərinin azaldılması ilə bağlı Avropa Komissiyasının təklifləri də müzakirə olunacaq.

İclasın press-relizində bildirilir ki, “aqrar sektorda mövcud böhrana sürətli və struktur reaksiyası ilə bağlı fikir mübadiləsi aparılacaq”.

Almaniya da daxil olmaqla bir çox Aİ ölkələrində fermerlər fevralın 26-da Brüsselin Avropa Məhəlləsində nümayişlər keçirməyi planlaşdıraraq ətraf mühitin mühafizəsi qaydalarına, subsidiyaların kəsilməsinə və bürokratiyaya etiraz edirlər.

Xatırladaq ki, fevralın 25-də polşalı fermerlər Ukrayna ilə altı keçid məntəqəsinin blokadasını bərpa ediblər.

Fevralın 24-dən 25-nə keçən gecə naməlum şəxslər tərəfindən 8 vaqondan qarğıdalı dağıdılıb ki, bu da kənd təsərrüfatı məhsullarını daşıyan dəmir yolu nəqliyyatının işinə dördüncü müdaxilədir.

Nicat