“Otkritie” şirkətinin keçmiş ortaq sahibi, əvvəllər Belyaev soyadını daşıyan Vadim Volfson ABŞ-da həbs edilib. 

Valyuta.az xəbər verir ki, bu barədə “Reuters” agentliyi idarələrarası “KleptoCapture” qrupuna istinadən məlumat yayıb.

Agentliyin məlumatına görə, Birləşmiş Ştatların Ədliyyə Departamenti ABŞ-a köçən Volfsonun  Rusiya vətəndaşları üçün anti-Rusiya sanksiyalarından yan keçmək üçün xidmətlər göstərməsindən şübhələnir.

Volfsonla birlikdə daha bir nəfər həbs edilib, onun adı açıqlanmır. İdarələrarası KleptoCapture qrupu 2022-ci ilin mart ayında yaradılıb. Qrupun hesabatına əsasən, Volfson və ikinci adamın həbs edildiyi bildirilir.

Nicat