ABŞ prezidentinin milli təhlükəsizlik üzrə köməkçisi Ceyk Sallivan brifinq zamanı bildirib ki, Vaşinqtonun Ukrayna üçün külli miqdarda pulu yoxdur. 

Valyuta.az bu barədə Ağ Evin mətbuat xidmətinə istinadən xəbər verir.

“Bizim Ukraynaya göndərə biləcəyimiz pul qutumuz yoxdur. Konqres tərəfindən maliyyələşdirmənin təsdiqindən başqa heç bir sehrli həllimiz yoxdur", - rəsmi izah edib.

O, əlavə edib ki, Ukrayna hərbçilərinin Avdeyevkadan imtina etməsində ABŞ Konqresi günahkardır və bu, Kiyevə yardımın ayrılması ilə bağlı qərarın qəbulunu gecikdirir. Sallivanın sözlərinə görə, Ukrayna Silahlı Qüvvələrinin silahları tükənmək üzrədir və onlar bu silahları layiq olduqları miqdarda almırlar.

Bundan əvvəl Sallivan bildirib ki, Vaşinqton Ukraynaya kreditlə yardım köçürməyi ona dəstək olmaq üçün ən yaxşı yol hesab etmir.

Eyni zamanda amerikalı jurnalist Taker Karlson “The Blaze” nəşrinə müsahibəsində Ukraynaya yardımın çirkli pulların yuyulması əməliyyatı olduğunu bildirib.

Nicat