Ən azı yaxın 15 il ərzində dünyada neftə tələbat artacaq. 

Valyuta.az TASS-a istinadən xəbər verir ki, bunu Rusiya Federasiyası baş nazirinin müavini Aleksandr Novak "Rusiya" Beynəlxalq Sərgi və Forumunun plenar iclasında deyib.

Baş nazirin müavini açıq şəkildə neftin bir resurs kimi köhnəlməsi ilə bağlı tezislərlə razılaşmayıb və ekspertlərin proqnozlarına istinad edərək bildirib ki, "qara qızıl"a tələbin qlobal artımı kifayət qədər uzun müddət davam edəcək.

"Ən azı 2040-cı ilə qədər artım tempi təqribən 14% təşkil edəcək ki, bu da ildə təxminən 1 milyon barel əlavə tələb deməkdir", deyə Novak qeyd edib.

Paşa Məmmədli