Ötən il Latviya Rusiyaya rekord məbləğdə - 251,2 milyon dollar dəyərində viski tədarük edib.

Valyuta.az xəbər verir ki, bu, statistik məlumatlardan göründüyü kimi, digər ixracatçı ölkələrin ümumi göstəricisindən üç dəfə çoxdur.

Pul ifadəsində viski tədarükünün ümumi həcminin 73%-i Latviyanın payına düşüb. Litva 6 dəfə az göstərici ilə ikinci yeri tutub - 39 milyon dollar.

Onun arxasında 14,8 milyon dollar dəyərində viski ixrac edən Böyük Britaniya, dördüncü və beşinci yerləri hər biri 7 milyon dollarla Fransa və Ermənistan tutur.

Ümumilikdə, 2023-cü ildə Rusiyaya 344,2 milyon dollar dəyərində viski tədarük edilib. Digər ixracatçıların payına isə cüzi miqdarda 24,8 milyon dollar düşüb.

Litva 2022-ci illə müqayisədə tədarükü 4 dəfə artırıb. Lider Latviya bu rəqəmi 3,5 dəfə, Ermənistan 5% artırıb. İngiltərə və Fransa ixracı 23% və 27% azaldıb.

Ən böyük ixracatçıların onluğunda heç bir ciddi dəyişiklik baş verməyib. Litva Britaniyanı qabaqlamağı bacarıb, Fransa isə 3-cü yerdən 4-cü yerə düşüb.

Nicat