Skripps Okeanoqrafiya İnstitutunun okeanoloqları okeanın ən dərin yeri olan Mariana çökəkliyinin Çallenger Uçurumunda - 10900 metr dərinlikdə pivə şüşəsi aşkar ediblər. 

Valyuta.az xəbər verir ki, bu barədə "Los Angeles Times" məlumat yayıb.

Xüsusi aparatda Mariana xəndəyinin dibinə enən elm adamları 10900 metr dərinlikdə etiketi qorunub saxlanılmış pivə şüşəsi aşkar ediblər. Bildirilir ki, dağıntılar Sakit okeanın ən dərin yeri olan (və Yer kürəsinin su hövzəsinin) Çallenger Uçurumunda tapılıb.

Okeanoloqlar Yer kürəsinin ən əlçatmaz guşələrinin belə çirklənmə təhlükəsi altında olmasından narahat olduqlarını bildiriblər. Alimlər planet əhalisinin su ehtiyatlarına, o cümlədən okeanlara münasibətinin dəyişdirilməsinin zəruriliyini bəyan ediblər.

Elm adamları zibilin insanlardan bu qədər uzaq bir yerə necə yığıldığını hələ başa düşə bilməyiblər. Bununla belə, onun kəşf edilməsi faktının özü də okeanların təmizlənməsi və tullantıların oraya daxil olmasının qarşısının alınması üçün daha effektiv üsulların yaradılması zərurətindən xəbər verir.

Paşa Məmmədli