ABŞ-ın dövlət borcu, gəlir və xərclərdəki mövcud tendensiyalar davam edərsə, ölkə iqtisadiyyatından daha sürətlə artacaq və bu, 2050-ci ilə qədər ölkənin ÜDM-ni 200% üstələyəcək. 

Valyuta.az xəbər verir ki, bu barədə ABŞ Hesablama Palatasının proqnozunda deyilir.

“Federal Hökumət bu məsələnin həll edilmədiyi təqdirdə əhəmiyyətli iqtisadi, təhlükəsizlik və sosial problemlər yaradan uzunmüddətli maliyyə trayektoriyası ilə üzləşəcək. Ölkənin maliyyə vəziyyəti ilə bağlı araşdırmamız göstərdi ki, gəlir və xərc siyasəti dəyişməz qalarsa, borc 2050-ci ilədək iqtisadiyyatdan daha sürətlə artaraq ÜDM-in 200%-nə çatacaq”, - sənəddə deyilir.

Bundan əvvəl BVF-nin Tədqiqat Departamentinin direktor müavini Antonio Spilimberqo Dünya Bankının konfransında bildirmişdi ki, dünyanın bir çox ölkələrində dövlət borcunun səviyyəsi son 50 ildə ən yüksək həddə çatıb. Onun fikrincə, sosial xərclər borc böhranının həlli üçün əsas olmalıdır. Spilimberqo qeyd edib ki, yoxsulluğa qarşı həssas əhali əlavə problemlərlə - demoqrafik, texnoloji, iqlim və fiskal problemlərlə üzləşir.

Nicat