Çexiya hökuməti 2025-ci ilin birinci rübündə respublikanın avro ödənişlərinə keçmək imkanlarını müzakirə edəcək. 

Valyuta.az xəbər verir ki, bu barədə “Novinky” xəbər portalı Çexiyanın maliyyə naziri Zbinek Stanjura istinadən məlumat yayıb.

“Hökumət gələn ilin birinci rübündə, Çexiyanın bu il avronun dövriyyəyə buraxılması meyarlarını yerinə yetirib-yetirməyəcəyi məlum olduqdan sonra, respublikanın vahid Avropa valyutasını qəbul etməyə hazırlığını qiymətləndirməyə qayıdacaq”, - portal bu barədə Maliyyə Nazirliyinin rəhbərinə istinadən məlumat yayıb.

Bundan əvvəl Çexiyanın baş naziri Petr Fiala bildirmişdi ki, respublikanın avronu mümkün qəbul etməsinin aspektləri ilk növbədə Çexiyanın aparıcı iqtisadçıları və maliyyəçiləri tərəfindən təhlil edilməlidir. Eyni zamanda hökumət ekspertləri bu prosesin reallaşacağı təqdirdə qanunvericilik sahəsində atılacaq addımları da nəzərdən keçirəcəklər.

Nazirlər Kabineti oktyabr ayına qədər hökumət ekspertləri, müstəqil maliyyəçilər və iqtisadçılardan hesabat almağı gözləyir. Onları öyrəndikdən və ölkənin 2024-cü il üçün iqtisadi fəaliyyətinin nəticələrinin sonrakı təhlilindən sonra hakimiyyət, Fiala görə, Çexiya kronundan imtina etməyin məqsədəuyğunluğu barədə qərar verəcək. 

Çexiyanın vahid Avropa valyutasına keçirilməsi istiqamətində addımların atılmasının zəruriliyi ölkə prezidenti Petr Pavel tərəfindən həmvətənlərinə yeni il müraciətində bildirilib. Respublikanın hazırkı hökumət koalisiyasında olan beş partiyadan dördü bu təşəbbüsü dəstəkləyir. Bu arada, Çexiya mətbuatının yazdığına görə, koalisiyanın ən böyük qüvvəsi Fialanın rəhbərlik etdiyi Vətəndaş Demokratik Partiyası buna ehtiyatlı yanaşır və Çexiya kronunun qorunub saxlanmasının vacibliyinə işarə edir. 

Nicat