ABŞ Energetika Nazirliyinin Enerji İnformasiya Administrasiyasının (EIA) məlumatına görə, 2024-2025-ci illərdə ABŞ-da qazın spot qiymətləri tələbatın artması səbəbindən 2023-cü ilə nisbətən daha yüksək olacaq.

Valyuta.az xəbər verir ki, bu barədə TASS yazıb.

"Biz Henry Hub ABŞ-da təbii qazın 2024 və 2025-ci illərdə spot qiymətinin 2023-cü ildəkindən orta hesabla daha yüksək olacağını, lakin bir milyon Britaniya istilik vahidi üçün 3 dollardan aşağı qalacağını gözləyirik. Təbii qaz qiymətlərinin artacağını gözləyirik, çünki təbii qaza tələb 2024-cü ildə təklifdən daha sürətli artacaq”, - təşkilatın hesabatında deyilir.

2024-cü ildə tələbat gündə 2,3 milyard kub fut arta bilər. Təklif isə nisbətən dəyişməz qalacaq. 2025-ci ildə tələb və təklif eyni sürətlə artacaq.

Departament proqnozlaşdırır ki, ABŞ-da qaz istehlakı 2024-cü ildə bir qədər azala biləcəyi sənaye sektoru istisna olmaqla, bütün sektorlarda artacaq. 2024-cü ildə elektrik enerjisi istehsalı üçün qaz istehlakı əvvəlki beş ilin orta göstəricisi ilə müqayisədə 11% artacaq (qazla işləyən elektrik stansiyaları ABŞ-da hər il elektrik enerjisi istehsalının təxminən 40%-ni təşkil edir).

ABŞ Energetika Nazirliyi 2024-cü ildə yaşayış və kommersiya sektorlarında qaza tələbatın 2023-cü ilə nisbətən 5% daha çox olacağını vurğulayıb. 

Nicat