Rusiyanın Tehrandakı səfiri Aleksey Dedov bildirib ki, 2023-cü ilin sonunda Rusiya İrana xarici investisiyalar üzrə birinci yeri tutub. Onun sözlərinə görə, bu, iki ölkə arasında münasibətlərin real səviyyəsini nümayiş etdirir.

Valyuta.az bu barədə Kommersant-a istinadla xəbər verir.

“Rusiya enerji şirkətləri İran bazarında uğurla fəaliyyət göstərir və Rusiya keçən il İrana xarici sərmayə qoyuluşunda birinci yeri tutub”, - deyə Dedov RİA Novosti-yə müsahibəsində bildirib.

Rusiya 2022-ci ildə İrana xarici investorlar arasında liderlər sırasında olub. 2023-cü ilin dekabrında Vladimir Putin Moskvada iranlı həmkarı İbrahim Rəisini qəbul edib və onların danışıqları təxminən beş saat çəkib. Putin bəyan edib ki, Rusiya Federasiyası ilə İran arasında ticarət dövriyyəsi təxminən 5 milyard dollara çatıb.

Ötən il inkişaf etmiş ölkələrdən olan investorların Rusiyanı tərk etməsi fonunda CMACP ekspertləri onun inkişaf etməkdə olan ölkələrlə investisiya əməkdaşlığının perspektivlərini qiymətləndirməyə çalışıblar. Efiopiya, Argentina, İran və Səudiyyə Ərəbistanı Rusiya Federasiyası üçün ən cəlbedici tərəfdaşlar adlandırılıb.

Nicat