Türkiyənin Antalya kurortunda mənzil qiymətlərinin qalxması rusların başqa ölkələrə miqrasiyasına səbəb olub. 

Valyuta.az xəbər verir ki, bu barədə "Posta" qəzetri məlumat yayıb.

Bölgənin turist əhalisinin 40 min nəfər azaldığı bildirilir: "Antalyada ev qiymətlərinin dollar ifadəsində artması 2023-cü ildə Rusiya və Ukraynadan gələn mühacirlərə də təsir edib. Antalyada artan mənzil və kirayə qiymətlərini dayandırmaq üçün 10 məhəllə yaşamaq icazəsi olan əcnəbilərə bağlanıb".

2023-cü ilin oktyabr ayından etibarən Türkiyə hakimiyyəti yaşayış icazəsi almaq istəyənlər üçün daşınmaz əmlakın minimum qiymətini artırıb. Yaşayış icazəsi almaq üçün alınmalı olan mənzilin minimum qiyməti 50 min dollardan 200 min dollara yüksəlib.

Bundan əvvəl bildirilmişdi ki, ruslar 2023-cü ildə Antalyada 255 şirkət qeydiyyatdan keçirib ki, bu da digər ölkə vətəndaşlarının qeydiyyatını keçib. Ümumilikdə 2023-cü ildə Antalyada xarici iştiraklı 791 şirkət qeydiyyatdan keçib. Şəhərin Ticarət Palatasının məlumatına görə, ötən il 83 şirkət Almaniya, 64-ü İran, 53-ü Ukrayna, 42-si Azərbaycan vətəndaşları tərəfindən qeydiyyatdan keçib.

Paşa Məmmədli