ABŞ-ın 2023-cü ilin sonunda sərtləşdirdiyi sanksiyalar Rusiya ilə Türkiyə arasında ticarət-iqtisadi münasibətlərdə çətinliklərə səbəb olub. 

Valyuta.az xəbər verir ki, bu barədə Rusiyanın Türkiyədəki səfiri Aleksey Erxov məlumat verib.

"İlin sonunda Amerika sanksiyalarının sərtləşdirilməsi baş verdi ki, bu da ikitərəfli ticarət-iqtisadi münasibətlərdə çox ciddi çətinliklərə səbəb oldu. Bütün bunlar, əlbəttə ki, nümayəndə heyətlərinin mübadiləsinin təmin edilməsi, vətəndaşlarımızın hüquq və mənafelərinin qorunması, onların konsulluq xidmətləri ilə bağlı cari işlərə əlavə olaraq həyata keçirilməlidir", deyə səfir bildirib.

Onun sözlərinə görə, diplomatların Türkiyə istiqamətində həmişə fəaliyyət meydanı var.

Bundan əvvəl Türkiyə banklarının yenidən Rusiyadan ödənişləri qəbul etməyə başladığı, lakin malların siyahısının məhdud olduğu bildirilirdi. Bütün əməliyyatlar milli valyutada aparılır.

Yanvarın 1-dən Türkiyə bankları ABŞ-ın ikinci dərəcəli sanksiyalarına görə Rusiya şirkətləri ilə işləməkdən kütləvi şəkildə imtina etməyə başlayıb. Fevralın 5-də Ankara və Moskva əməliyyat problemlərini həll etmək üçün Rusiya-Türkiyə bankının yaradılmasını müzakirə edib.

Paşa Məmmədli