Almaniyanın enerji şirkəti VNG AG Əlcəzairin dövlət şirkəti Sonatrach ilə boru kəməri ilə qaz tədarükü üçün ölkəyə ilk müqavilə imzalayıb.

Valyuta.az xəbər verir ki, bu barədə Bloomberg VNG rəhbəri Ulf Heitmüllerin Almaniya işgüzar heyətinin Əlcəzairə səfəri zamanı verdiyi açıqlamaya istinadla yazır.

Agentlik mənbələrə istinadən xəbər verir ki, VNG və Sonatrach arasında müqavilə 2024-cü ilin yanvarında qüvvəyə minib. Müqavilənin digər təfərrüatları, o cümlədən tədarükün müddəti və həcmi hələlik açıqlanmır.

Almaniya Ukraynadakı münaqişə səbəbindən Rusiyadan tədarükün azaldılmasından sonra fəal şəkildə alternativ qaz mənbələri axtarır. Hələlik bu kəsir əsasən LNG hesabına doldurulur. Boru kəməri qazı üçün yeni uzunmüddətli müqavilələr nadir hallarda olur, idxalçılar qeyri-sabit spot bazarına arxalanırlar.

Razılaşma Əlcəzairin Avropanın enerji təhlükəsizliyində əhəmiyyətini vurğulayır. Əlcəzair Aİ-nin qaz və LNG idxalının 14%-ni təmin edir. Almaniyanın İqtisadiyyat naziri Robert Habek gələcəkdə qaz kəmərləri ilə Aİ-yə tədarük edilməsi planlaşdırılan Əlcəzairin “yaşıl” hidrogeni ilə bağlı danışıqlar aparır.

Nicat