ABŞ hakimiyyəti Rusiyadan ölkəyə bir sıra qeyri-sənaye almazlarının idxalını qadağan edəcək. 

Valyuta.az xəbər verir ki, bu barədə ABŞ Maliyyə Nazirliyinin saytında dərc edilmiş bəyanatda deyilir.

ABŞ Maliyyə Nazirliyinin press-relizinə görə, məhdudiyyətlər “2024-cü il martın 1-dən çəkisi 1 karat və ya daha çox olan qeyri-sənaye almazlarına” və “2024-cü il sentyabrın 1-dən 0,5 karat və ya daha çox çəkisi olan qeyri-sənaye almazlarına” tətbiq ediləcək.

Sənəddə aydınlıq gətirilir ki, Amerika tərəfinin əvvəllər tətbiq etdiyi məhdudiyyətlər, belə almazların Rusiya Federasiyasından kənarda digər məhsullara əhəmiyyətli dərəcədə emal edilib-edilməməsindən asılı olmayaraq, bu kateqoriyalı almazlara şamil ediləcək.

1 yanvar 2024-cü il tarixində G7 ölkələri (ABŞ, Kanada, Almaniya, Böyük Britaniya, Fransa, İtaliya və Yaponiya) tərəfindən Rusiya Federasiyasından Avropa İttifaqı ölkələrinə qeyri-sənaye təbii almaz, süni almaz və tərkibində brilyant olan zərgərlik məmulatlarının idxalına qadağa qoyulub. 

Bu ilin sentyabrın 1-dən Aİ ölkələri həmçinin üçüncü ölkələrdə emal olunmuş sintetik brilyantların, çəkisi 0,5 karat və ya daha çox olan rus almazlarından istifadə edilməklə üçüncü ölkələrdə hazırlanmış zərgərlik məmulatlarının və qol/cib saatlarının idxalını dayandıracaq.

Nicat