Yaponiyanın məşhur oyun konsolu istehsalçısı "Nintendo" 2023-cü ilin aprel-dekabr ayları üçün xalis mənfəəti haqda məlumat verib.

Valyuta.az xəbər verir ki, Kyotoda yerləşən istehlakçı elektronikası şirkəti, 2024-cü ilin aprelində başa çatacaq maliyyə ili üçün cari balansını və cari gözləntilərini açıqlayıb. Şirkət xalis mənfəətinin əvvəlki maliyyə ilinin eyni dövrü ilə müqayisədə 17,9 faiz artaraq 408 milyard yenaya (2,75 milyard dollar) çatdığını bildirib.

Konsol və video oyun satışına olan sıx tələbatın və Yapon yeninin xarici valyuta qarşısında ucuzlaşmasının mənfəət gəlirinə müsbət təsir etdiyi vurğulanıb. "Nintendo"nun prezidenti Furukava Şuntaro onlayn açıqlamasında, "Konsol satışları sabitdir. Gələn rübdə diqqətimizi "Switch" (konsol) üzərində davam etdirəcəyik" - sözlərini söyləyib. 

"Nintendo", tam maliyyə ilində hərtərəfli xalis mənfəətini 440 milyard dollara (2,97 milyard dollar) çatdırmağı hədəfləyir.

Elmir