Rusiyalı müğənni Filipp Kirkorovun Federal Vergi Xidmətinə 12 milyon rubl (228 min manat) borcu var. 

Valyutaı.az xəbər verir ki, bu barədə "Secular Chronicle" "Telegram" kanalı məlumat yayıb.

Ümumilikdə Kirkorovun Federal Vergi Xidmətinə 12 milyon 323 min 675 rubl borcu olub. Müğənninin hansı səbəbdən borclu qaldığı məlum deyil.

Bir gün əvvəl "Zvezdach" "Telegram" kanalı Kirkorovun vergi orqanlarına olan bütün borclarını ödədiyini bildirmişdi. Məlumata görə, ifaçının 5 milyon 587 min 333 rubl borcu var idi.

İyul ayında "Zvezdach" Kirkorovun borcunun 2,1 milyon rubl təşkil etdiyini yazmışdı. Eyni zamanda qeyd olunub ki, onun şirkəti “Philip Kirkorov Production” MMC bir il ərzində 14 milyon rubl gəlir əldə edib. Bu biznes vasitəsilə ifaçı dövlət müqavilələri üzrə satınalmalarda iştirak edib və bu ona 4 milyon rubldan çox gəlir gətirib.

Nəşrin məlumatına görə, 2021-ci ildə Kirkorovun biznesinin Latviya bankına 140 milyon rubl borcu var. 

Paşa Məmmədli