Yanvar-noyabr aylarında Rusiya ilə Çin arasında ticarət dövriyyəsi illik müqayisədə 26,7% artaraq tarixi maksimumunu yeniləyərək rekord həddə - 218,17 milyard dollara çatıb.

Valyuta.az xəbər verir ki, bu barədə TASS Çin Xalq Respublikasının Baş Gömrük İdarəsinin məlumatlarına istinadən yazır.

Bu məlumatlara əsasən, bu ilin 11 ayı ərzində Çindən Rusiya Federasiyasına ixrac 50,2% artaraq 100,33 milyard dollara yaxın, Rusiya Federasiyasından mal və xidmətlər idxalı isə 11,8% artaraq 117,84 milyard dollar təşkil edib.

Rusiyanın bu dövr üçün profisiti keçən ilin eyni dövrü ilə müqayisədə təxminən 53% azalaraq 17,51 milyard dollara çatıb. Noyabrda iki ölkə arasında ticarət dövriyyəsinin həcmi 21,5 milyard dollar təşkil edib ki, bu da oktyabrın göstəricisindən 8,6% çoxdur.

Rusiya Federasiyası və Çin liderləri əvvəllər 2024-cü ilə qədər iki dövlət arasında ticarət dövriyyəsini iki dəfə artıraraq 200 milyard dollara çatdırmağı qarşıya məqsəd qoyublar.

Noyabrda Çin prezidenti Si Szinpin deyib ki, Pekin Moskva ilə birlikdə münasibətlərin dərinləşməsi üçün səy göstərməyə hazırdır.

Nicat