![](https://valyuta.az/file/articles/2023/12/07/1701935959_starbucks-cup-with-heart-shaped-cardboard-tbaborqsicqkv5j2.jpg)
Türkiyə və Türkmənistan türkmən qazının İran vasitəsilə nəqlini müzakirə edir
Türkmənistan öz qazını İran vasitəsilə Türkiyəyə tədarük etməyə başlaya bilər.
Valyuta.az xəbər verir ki, bu barədə Aşqabadda keçirilən iqtisadi əməkdaşlıq üzrə Türkmənistan-Türkiyə hökumətlərarası komissiyasının iclasının iştirakçıları müzakirə ediblər.
Nəşrin məlumatına görə, tərəflər türkmən təbii qazının Türkiyə bazarına çıxarılması imkanlarını müzakirə ediblər. Bu kontekstdə onlar Türkmənistandan İran vasitəsilə Türkiyəyə qaz nəqli layihəsinin aktuallığını vurğulayıblar.
Həmçinin qeyd olunub ki, Türkmənistan tərəfinin son illər yaratdığı qaz nəqli infrastrukturu ölkəyə öz təbii qazını böyük həcmdə qərbə ixrac etmək üçün geniş imkanlar yaradır.
Görüş iştirakçıları layihənin perspektivli olması barədə razılığa gəliblər və yaxın vaxtlarda müvafiq idarə və şirkətlərin rəhbərləri səviyyəsində danışıqlara başlanılması barədə razılığa gəliblər.
Nicat
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay