İlon Mask "Twitter"i almağa xərclədiyi pulun 44 faizini öz süni intellekt şirkəti "xAI" üçün toplamağa çalışır.

Valyuta.az xəbər verir ki, "Tesla", "SpaceX" və "X"in CEO-su növbəti müəssisəsi üçün bir milyard dollar vəsait axtarır.

SEC-in təqdim etdiyi məlumatlara görə, Musk indiyədək adı açıqlanmayan dörd investordan təxminən 135 milyon dollar toplayıb və ilk satış noyabrın 29-da baş verib.

Ancaq Mask üçün 135 milyon dollar kifayət etmir. Milyarderin hədəfinə çatması üçün daha 865 milyon dollara ehtiyacı var. İndiyə qədər "xAI", "OpenAI"nin "ChatGPT", "Google"un "Bard və ya "Anthropic"in "Claude AI"yə qarşı çıxan "Grok" chatbotunu hazırlayıb. Açıqlamaya görə, Qrok üsyankar bir xarakterə sahib olacaq və digər botlarının məşğul olmadığı daha çətin suallara cavab verəcək.

Qrok iki aydır fəaliyyət göstərməsinə baxmayaraq, hazırda yalnız çox məhdud sayda istifadəçi tərəfindən sınaqdan keçirilir. Gələcəkdə Musk bu süni intellekti "X Premium +" abunəçiləri üçün beta versiya şəklində buraxmağı planlaşdırır. Söhbət robotunu maraqlı edən detal onun "X"də dərc olunan real vaxt məlumatlarına anında çıxışı olmasıdır. Ani yeni məlumat əldə etmək xoş səslənsə də, yalan və doğru məlumatı ayırd etmək əsas prioritet olacaq.

Əvvəllər "OpenAI"nin də həmtəsisçisi olan Mask 2018-ci ildə idarə heyətini tərk edib. 

Elmir