Rusiyada yeni ASP brendi altında "Adidas" və "Reebok" idman geyimləri və idman avadanlıqları mağazaları açılacaq. 

Valyuta.az xəbər verir ki, bu barədə "Lestate" marketinq şöbəsinin rəhbəri İlya Komissarov bildirib.

"Adidas" və "Reebok" məhsulları Qərb idman brendlərinin distribyutoru olan "Lestate" tərəfindən təqdim edilən yeni ASP şəbəkəsində satılacaq. Qərb brendlərinin yüksək keyfiyyətinə alışmış ruslar onlardan əl çəkməyə hazır deyillər. Bununla belə, yerli oyunçuların aktivləşməsi səbəbindən idman malları seqmentində rəqabət artır", deyə Komissarov bildirib.

Top-menecer aydınlaşdırıb ki, ilk mağazanın açılışı bu həftə Moskvadakı "Belaya Dacha" satış məntəqəsində baş tutacaq. ASP mağazalarının sayı hələ də müzakirə olunur. Komissarov qeyd edib ki, pərakəndə satış şəbəkəsi tədricən genişlənəcək.

Paşa Məmmədli