İnvestisiya sahəsində çox təcrübəsi və bu sahədə xüsusi biliyi olmayanlar qızıla investisiya etməsələr daha yaxşıdır. 

Valyuta.az xəbər verir ki, bu barədə “Moskva 24” telekanalına müsahibəsində Milli Tədqiqat Universitetinin Ali İqtisadiyyat Məktəbi nəzdində Statistika Tədqiqatları və Bilik İqtisadiyyatı İnstitutunun Bazar Araşdırmaları Mərkəzinin direktoru Georgi Ostapkoviç danışıb.

“Bu, çox mürəkkəb, dəyişkən maliyyə alətidir. Qızıla sərmayə qoyarkən udmaq ehtimalı azdır: bu, yalnız bu metal haqqında biliklərə və böyük aktivlərə malik olduqda mümkündür”, - ekspert qeyd edib.

Onun fikrincə, sərmayə qoymağa yeni gələnlərin diqqətini qazanc əldə etmək üçün yaxşı alət olan əmanətlərə yönəltmələri daha yaxşıdır. O qeyd edib ki, əmanətlər investorlara yüksək faiz və zəmanətli gəlir gətirir.

Bir gün əvvəl qızılın qiyməti tarixdə ilk dəfə bir troya unsiyası üçün 2100 dolları ötüb . Nyu Yorkun Comex birjasında keçirilən ticarət məlumatlarına əsasən, Comex birjasında dekabr ayı qızıl fyuçerslərinin qiyməti 1 troy unsiyası üçün 17,7 dollar və ya 0,85% artaraq 2107,15 dollar olub. Gümüş də 0,09% bahalaşaraq 1 unsiya üçün 25,317 dollar olub.

Nicat