"OnePlus" Çində özünün yeni flaqman smartfonu "OnePlus 12"nin təqdimatını keçirib. 

Valyuta.az xəbər verir ki, bbarədə "GizmoChina" məlumat yayıb.

"OnePlus 12" "OnePlus 11"in dizaynını saxlayır, lakin bəzi fərqlərə malikdir. Məsələn, yeni məhsul IP65 standartına uyğun olaraq ortada metal çərçivəyə malik şüşə sendviç konstruksiya, həmçinin nəm və tozdan qorunma alıb.

Cihaz "Qualcomm Snapdragon 8 Gen 3 çipset", LPDDR5x RAM və UFS 4.0 yaddaşı ilə təchiz edilib. 9140 mm² sahəsi olan buxar kamerası şəklində soyutma sistemi ilə təchiz olunub.

Telefon BOE-dən 6,82 düymlük əyri OLED displeydən ibarətdir. Bu panel 3168x1440 piksel (QHD+), sıxlığı 510 PPI və 1 ilə 120 Hz arasında yeniləmə sürətinə malikdir. Zirvədə arxa işıq 4500 nit qədər ötürməyə qadirdir.

Yeni məhsul "OnePlus Open" ilə eyni kamera dəstinə malikdir. Yəni, "50 MP Sony LYT-808" əsas sensoru, periskopik obyektiv üçün 3x zumlu "64 MP OmniVision OV64B" sensoru və avtofokuslu "48 MP Sony IMX581" ultra geniş bucaqlı modulla təmin edilib. Ön tərəfdə 32 meqapiksellik selfi kamerası var.

Akkumulyatorun tutumu 5400 mAh-dir. 100 Vt-a qədər simli doldurma və 50 Vt-a qədər simsiz doldurma üçün dəstək var.

"OnePlus 12"ni artıq Çində 4,3 min yuandan (təxminən 1023 manat) başlayan qiymətə almaq mümkündür.

Paşa Məmmədli