Qara dənizdə fırtınalar və Rusiya buğdasının tədarükünün müvəqqəti dayandırılması səbəbindən qiymətlər artmağa başlayıb və bir ton üçün 239 dollara çatıb. 

Valyuta.az xəbər verir ki, bu barədə “Kommersant” yazır.

“Sentyabr ayından etibarən ucuzlaşan Rusiya buğdasının dünya bazarında qiyməti qalxmağa başlayaraq, noyabr ayında Qara dənizdəki fırtınalar səbəbindən daşımaların dayandırılması, mümkün ixrac məhdudiyyətləri və idxalçı ölkələrin tenderlərində qiymətlərin artması ilə əlaqədar olaraq 9 dollar bahalaşaraq bir ton üçün 239 dollar olub”, - deyə məlumatda bildirilir.

Məqalədə aydınlıq gətirilir ki, analitiklər Avropada qış bitkilərinin əkini zamanı yaranan çətinliklər və Avstraliyada buğda məhsulu ilə bağlı proqnozların pisləşməsi səbəbindən bu tendensiyanın mümkün davamını göstərirlər.

Dekabrın 2-də bildirilib ki, Rusiya Ukraynada xüsusi əməliyyat başlayandan bəri ilk dəfə olaraq  Avropa İttifaqına taxıl tədarükçülərinin  ilk beşliyinə daxil olub.

Noyabrın 28-də Rusiya Federasiyasının Kənd Təsərrüfatı Nazirliyi cari kənd təsərrüfatı ilində Rusiyadan 65 milyon tondan çox taxıl ixracı üçün əvvəlcədən elan edilmiş proqnozu təsdiqləyib. Şöbənin rəhbəri Dmitri Patruşev 151 milyon tondan çox taxıl və 99 milyon tondan çox buğda biçildiyini bildirib.

Nicat