Rusiya şirkətlərinin 85%-i kadr çatışmazlığından şikayətlənib. 

Valyuta.az xəbər verir ki, bu barədə RBC "SuperJob" portalının məlumatlarına istinadən yazır.

Araşdırmaya görə, 2023-cü ildə Rusiya Federasiyasında vakansiyaların sayı 1,5 dəfədən çox (+57%) artıb. Eyni zamanda, CV-lərin sayı 2% azalıb. Ən qıt peşələr yük maşını sürücüləri, fəhlələr, ixtisaslı işçilər və mühəndislərdir.

"SuperJob" sorğusunda iştirak edənlərin 85%-i şirkətlərinin kadr çatışmazlığı ilə üzləşdiyini bildirib", deyə məlumatda bildirilir.

Həmçinin, sorğunun nəticələrinə görə, işçilər qocalır. Beləliklə, 2023-cü ildə müraciət edənlərin yaşı iki-üç il artıb. Məsələn, avadanlıq tənzimləyicisinin orta yaşı 43-dən 46-ya, mexanikin 44-dən 46-ya, elektrik və elektrikçilərin 42-dən 45-ə yüksəlib.

Portal sorğusunda Rusiyanın 224 şəhərindən 1000 HR meneceri və şirkətlərin insan resursları xidmətlərinin digər nümayəndələri iştirak edib.

Paşa Məmmədli