Rusiyanın ən zəngin iş adamlarının sərvəti bu ilin əvvəlindən 38,575 milyard dollar artıb.

Valyuta.az xəbər verir ki, bu barədə Bloomberg tərəfindən dərc edilən Bloomberg Milyarderlər İndeksində  bildirilir.

Bloomberg Milyarderlər İndeksinə əsasən, ilin əvvəlindən "Lukoyl"un təsisçisi Vahid Ələkbərov 9,14 milyard dollar qazanıb, sərvəti 24,5 milyard dollara yüksəlib. Eurochem və SUEK-in həmtəsisçisi Andrey Melniçenkonun sərvəti  4,03 milyard dollar artaraq 17,2 milyard dollara çatıb. Eyni zamanda, “Lukoyl”un keçmiş vitse-prezidenti Leonid Fedun 3,89 milyard dollar qazanıb, sərvəti isə 9,76 milyard dollardır.

Ən böyük itkilərə Dağıstan Respublikasından olan Federasiya Şurasının üzvü və sahibkar Süleyman Kərimov məruz qalıb, onun sərvəti 0,65 milyard dollar azalaraq 8,34 milyard dollara düşüb.

Agentlik 2012-ci ilin martından planetin 500 ən varlı adamının sərvətləri haqqında məlumatları özündə əks etdirən Bloomberg Milyarderlər İndeksini dərc edir.

Nicat