OPEC+ nazirləri onlayn iclasda 2023-cü ildə ucuzlaşan qiymətləri dəstəkləmək üçün neft hasilatına yeni məhdudiyyətlərin tətbiqi imkanlarını müzakirə edəcəklər. 

Valyuta.az xəbər verir ki, bu barədə alyansın üç nümayəndəsi "Reuters"ə şərhlərində bildirib.

“Müzakirədə iştirak edən iki nümayəndə bildirib ki, 2024-cü ildə hasilatın yeni azaldılması potensial olaraq 2024-cü ilin birinci rübündə bazar hasilatının gündəlik 1-2 milyon barel azalmasına gətirib çıxara bilər”, deyə nəşr yazır.

Qlobal neft hasilatının 40%-dən çoxunu təşkil edən Səudiyyə Ərəbistanı və Rusiya bu il tətbiq etdiyi könüllü məhdudiyyətləri uzatmağı planlaşdırır. Söhbət Səudiyyədən gündəlik 1 milyon barel, Rusiyadan isə 300 min bareldən gedir.

"RBC Capital Markets"in analitiki Helima Kroft nəşrə bildirib ki, Rusiya və Səudiyyə Ərəbistanının paylarını 2024-cü ilin birinci rübünə qədər uzadacağı və könüllü düzəlişlər etmək istəyən fərdi istehsalçılardan ibarət koalisiyanı birləşdirəcək bir ssenari təsəvvür edə bilərik.

Ümumilikdə, OPEC+ ölkələri hazırda hasilatı gündəlik 5 milyon bareldən çox məhdudlaşdırır. Əlavə ixtisarlar sentyabrda neftin qiymətinin 98 dollar/bareldən hazırda 84 dollara enməsini kompensasiya etmək məqsədi daşıyır.

Paşa Məmmədli