Rusiya Federasiyasına qarşı yeni sanksiyalar, çox güman ki, Finlandiyada rus sahibkarlarına məxsus Helsinki Hall stadionunun müsadirə oluna biləcəyi tədbirləri əhatə edəcək.

Valyuta.az xəbər  verir ki, bu barədə Finlandiyanın STT agentliyinin məlumatında bildirilir.

Onun sözlərinə görə, Aİ-nin dekabr ayına planlaşdırılan yeni sanksiyalar paketinə istisna kimi dondurulmuş aktivlərin satışı imkanları daxil ola bilər və bununla da arenanın satışı imkanları açıla bilər. Bununla belə, agentlik qeyd edir ki, satış olacağı təqdirdə, pul dondurulmuş vəziyyətdə qalacaq.

Daha əvvəl bildirilmişdi ki, Finlandiya hakimiyyəti rusiyalı sahibkarlara məxsus “Helsinki Hall” stadionunu nəzarətə götürmək yollarını axtarır.

Əvvəllər Hartwall Arena kimi tanınan stadionun təxminən 45%-i rusiyalı iş adamları Roman Rotenberq və Gennadi Timçenkoya məxsusdur. Səhmdarların reyestrinə görə, əmlakın 562 sahibi var, lakin Rotenberq və Timçenko əsas qərarları başqalarından asılı olmayaraq qəbul edə bilərlər.

Nicat