Hökumətdə ekoloji məsələlərə nəzarət edən baş nazirin müavini Viktoriya Abramçenko bütün ölkə ərazisində gəmi “qəbiristanlıqları”nın ləğvi üçün proqramın hazırlanmasını əmr edib. 

Valyuta.az xəbər verir ki, bu barədə RBC sənədlərə istinadən yazır. 2024-cü ildə Uzaq Şərqdə köhnə və batmış gəmilərin utilizasiyası başa çatdırılmalıdır.

Nəqliyyat Nazirliyi, Təbii Sərvətlər Nazirliyi, Fövqəladə Hallar Nazirliyi, FSB, Federal Əmlakın İdarə Edilməsi Agentliyi və digər aidiyyəti qurumlara "daxili dəniz sularında, ərazi dənizində və müstəsna iqtisadi zonada batmış əmlakın inventarizasiyası" üzrə müvafiq tədbirlər həyata keçirmək tapşırılıb. Bundan sonra onlar hökumətə 2030-cu ilə qədər federal layihələr çərçivəsində bunun necə aradan qaldırılacağını təklif etməli, maliyyələşdirmə üçün vəsait tapmalıdırlar. Həmçinin qanunlara “batmış əmlakın çıxarılması prosedurunu və tələblərini aydınlaşdırmaq” üçün dəyişikliklər hazırlamaq lazımdır.

2020-ci ilin avqustunda Baş nazir Mixail Mişustin Uzaq Şərqə səfəri zamanı batmış gəmilərin “qəbiristanlıqlarına” diqqət çəkib. Səfərdən sonra o, bu problemin həlli ilə bağlı göstəriş verib.

Ümumilikdə, 2020-ci ildə Uzaq Şərq dairəsinin sularında 580 batmış gəmi var. Lakin baş nazirin sərəncamından bir ay sonra Nəqliyyat Nazirliyi gəmilərin qaldırılması və sökülməsi ilə bağlı fəaliyyətlər üçün maliyyə mənbələrinin olmadığını açıqlayıb.

2021-ci ildə qəbul edilmiş "Ümumi Təmizlik" federal layihəsinin bir hissəsi olaraq, 2024-cü ilin sonuna qədər Uzaq Şərqin altı bölgəsində 213 batmış gəminin qaldırılması və utuilizasiyası lazımdır. 2022-2024-cü illər üçün bu proqrama 20 milyard rubl ayrılıb ki, bunun da 1 milyard rubldan çoxu batmış gəmilərin bərpasına və zərərsizləşdirilməsinə xərclənməlidir. Viktoriya Abramçenkonun sözlərinə görə, Rusiyada ən azı min ədəd batmış gəmi var.

Nicat