Avropa İttifaqı Avropa şirkətlərinin Rusiyadakı aktivlərinin ələ keçirilməsində iştirak etmiş şəxslərə və təşkilatlara qarşı 12-ci paketə sanksiyalar əlavə etmək niyyətindədir. Hələlik Brüssel müsadirələrdən qazanc əldə edənləri cəzalandırmayıb, lakin Aİ ölkələri Avropa Komissiyasının son təkliflərini təsdiqləsə, bu, dəyişəcək. 

Valyuta.az xəbər verir ki, bu barədə "Politico" yazır.

Təkliflərə əsasən, qurum əvvəllər Avropa İttifaqından olan şəxslərin mülkiyyətində və ya nəzarətində olan Rusiyada qeydiyyatdan keçmiş qurumların mülkiyyət hüququnun və ya nəzarətinin məcburi ötürülməsindən faydalananlara qarşı məhdudlaşdırıcı tədbirlər görə biləcək.

İyul ayında Kreml "Carlsberg" və "Danone"ni yerli idarəetməyə vermək qərarına gəlib. 1990-cı illərin əvvəllərində şirkətin əsasını qoyan iş adamı Teymuraz Bolloyev “Baltika”ya rəhbər edib. Çeçenistanın hökumət başçısının müavini və kənd təsərrüfatı naziri, Ramzan Kadırovun qardaşı oğlu Yakub Zakriyev “Danone Russia” şirkətinin baş direktoru vəzifəsinə gətirilib. 

Əvvəlcə Bolloyev aktivlərin bərpası əməliyyatında iştirak etmək istəməyiv, çünki o, Putinin dostlarına, Kovalçuk qardaşlarına artıq tətbiq edilən sanksiyalara məruz qalmaqdan qorxurdu. Buna görə də o, hətta “Baltika”nın “Carlsberg”dən alınmasını müzakirə etməyə çalışıb.

Paşa Məmmədli